ការគោរពប្រពៃណី និងសេចក្តីកតញ្ញូ៖ អាយឃែរ គ្រុប (iCare Group) ប្រារព្ធពិធីបុណ្យកាន់បិណ្ឌ វេនទី៦

កាលពីថ្ងៃទី២ ខែតុលា ឆ្នាំ២០២៦ គ្រួសារ អាយឃែរ គ្រុប បានជួបជុំគ្នាដើម្បីប្រារព្ធពិធីបុណ្យកាន់បិណ្ឌ វេនទី៦ ដែលជាប្រពៃណីដ៏ល្អផូរផង់របស់កម្ពុជា ផ្សារភ្ជាប់ទៅនឹងការរំលឹកគុណ សេចក្តីជ្រះថ្លា និងសាមគ្គីភាពក្នុងសហគមន៍។ ដើម្បីញ៉ាំងពិធីដ៏ពិសិដ្ឋនេះឱ្យកាន់តែមានន័យ ថ្នាក់ដឹកនាំ និងបុគ្គលិករបស់យើងបានទៅធ្វើបុណ្យរួមគ្នានៅវត្តចង្ក្រានតាព្រហ្ម (រាជធានីភ្នំពេញ) និងវត្តអង្គសំរឹទ្ធ (ខេត្តតាកែវ) ដោយបានវេរប្រគេនចង្ហាន់ ស្លាដក់ ទេយ្យទាន ចតុបច្ច័យ និងភេសជ្ជៈផ្សេងៗថ្វាយដល់ព្រះសង្ឃ។ យើងខ្ញុំសូមឧទ្ទិសកុសលផលបុណ្យទាំងនេះជូនដល់បុព្វការីជន មាតាបិតា ជីដូនជីតាទាំងប្រាំពីរជំនាន់ ព្រមទាំងវីរជនក្លាហានដែលបានលះបង់ជីវិតដើម្បីបុព្វហេតុជាតិមាតុភូមិ។ សម្រាប់ពួកយើងទាំងអស់គ្នានៅ អាយឃែរ (iCare) ថ្ងៃនេះគឺជាការប្តេជ្ញាចិត្តយ៉ាងមុតមាំក្នុងការចូលរួមថែរក្សាកេរដំណែលវប្បធម៌ខ្មែរឱ្យបានគង់វង្ស និងការបណ្តុះស្មារតីកតញ្ញូ ព្រមទាំងការចែករំលែកពីជំនាន់មួយទៅជំនាន់មួយ។ 🙏 សូមអនុមោទនាបុណ្យ និងទទួលបាននូវពរជ័យ សេចក្តីសុខ សេចក្តីចម្រើនគ្រប់ៗគ្នា ក្នុងឱកាសបុណ្យបិណ្ឌទាននេះ!