អំពីយើង

ចាប់តាំងពីបានបង្កើតគ្រឹះស្ថានភតិសន្យាហិរញ្ញវត្ថុ អាយឃែរ លីស៊ីង យើងបានអនុវត្តតាមទស្សនវិស័យ បេសកកម្ម និងគុណតម្លៃស្នូលរបស់គ្រឹះស្ថានដើម្បីចូលរួមលើកស្ទួយ និងភាពរីកចម្រើនជាមួយប្រជាពលរដ្ឋកម្ពុជា ហើយបានធ្វើការយ៉ាងជាប់លាប់ជាប្រចាំក្នុងការផ្តល់ភតិសន្យាហិរញ្ញវត្ថុដល់ប្រជាពលរដ្ឋដែលមានកម្រិតជីវភាពទាប និងមធ្យមដើម្បីបំពេញតម្រូវការរបស់គាត់។ វិស័យហិរញ្ញវត្ថុបាននឹងកំពុងដើរតួនាទីយ៉ាងសំខាន់ ក្នុងការធ្វើឱ្យប្រសើរទ្បើងនូវបរិយាប័ន្នហិរញ្ញវត្ថុតាមរយៈការផ្សព្វផ្សាយ និងការប្រើប្រាស់សេវាហិរញ្ញវត្ថុដ៏ត្រឹមត្រូវ និងមានគោលដៅច្បាស់លាស់ទាំងនេះត្រូវបានឆ្លុះបញ្ចាំងតាមរយៈចំនួនអ្នកប្រើប្រាស់ដើម្បីបន្តគោលដៅក្នុងការផ្តល់សេវាភតិសន្យាហិរញ្ញវត្ថុជូន ប្រជាពលរដ្ឋប្រកបដោយភាពរឹងមាំ និងការទទួលខុសត្រូវខ្ពស់នៅតាមតំបន់ប្រតិបត្តិការត្រូវបានពង្រីកបន្ថែមទៅកាន់ទីប្រជុំជន សហគមន៍ និងទីជនបទស្រុក/ក្រុង/ខេត្ត/រាជធានីមួយចំនួនបន្ថែមទៀតឱ្យនៅកៀកនឹងប្រជាពលរដ្ឋក្នុងការធានា និងមានភាពងាយស្រួលផ្តល់ភតិសន្យាហិរញ្ញវត្ថុជូនប្រជាពលរដ្ឋមានកម្រិតជីវភាពទាប និងមធ្យមក្នុងគោលបំណងជួយទ្រទ្រង់អាជីវកម្ម និងជីវកម្មភាពគ្រួសារឱ្យមានដំណើរការល្អ និងជួយជំរុញកំណើនសេដ្ឋកិច្ចជាតិឱ្យរីកចម្រើន។

ទោះបីជាការធ្វើដំណើរលើវិស័យហិរញ្ញវត្ថុនេះមានឧបសគ្គយ៉ាងណាក៏ដោយក៏យើងនៅតែតស៊ូជម្នះការលំបាកផ្នែកសេដ្ឋកិច្ចនាពេលបច្ចុប្បន្ននេះ ខ្ញុំមានភាពជឿជាក់យ៉ាងមុតមាំថាប្រទេសកម្ពុជាមានសកក្តានុពលយ៉ាងខ្លាំងក្នុងការឈានទៅរកភាពរីកចម្រើនឆាប់រហ័សក្នុងចំណោមប្រទេសនៅតំបន់អាស៊ីអាគ្នេយ៍។

ក្នុងស្ថានភាពបែបបនេះ អាយឃែរ នឹងធ្វើដំណើរជាមួយប្រជាពលរដ្ឋកម្ពុជាដែលមានកម្រិតជីវភាពទាប និងមធ្យម ។

ខ្ញុំជឿជាក់ថា ភាពរីកចម្រើនរួមគ្នាជាបន្តបន្ទាប់របស់ អាយឃែរ គឺពឹងផ្អែកយ៉ាងខ្លាំងទៅលើគណៈគ្រប់គ្រងបុគ្គលិកទាំងអស់ដោយមានការចូលរួមតាមរយៈការបណ្តុះបណ្តាលជាបន្តបន្ទាប់ ដែលដឹកនាំដោយនាយកដ្ឋាននីមួយៗបណ្តាដៃគូសហប្រតិបត្តិការ និងប្រជាពលរដ្ឋ តាមរយៈជួយគាំទ្រប្រើប្រាស់សេវាកម្ម និងផលិតផលផ្តល់ភាពជឿជាក់ និងទំនុកចិត្តមកលើ អាយឃែរ ហើយនឹងបន្តអភិវឌ្ឍបុគ្គលិកឱ្យក្លាយទៅជាធនធានមនុស្សក៏ល្អក្នុងការអនុវត្តការងារប្រកបដោយជំនាញវិជ្ជាជីវៈប្រសិទ្ធភាព និងការទទួលខុសត្រូវជាពិសេសបុគ្គលិកមានចំណេះជំនាញពិតប្រាកដ សមត្ថភាព សីលធម៌ និងមានគំនិតច្នៃប្រឌិតខ្ពស់។

ខ្ញុំសូមចែករំលែកអនាគតដ៏វិសេសវិសាល ដែលកើតទ្បើងដោយសារការតាំងចិត្ត ការប្តេជ្ញាចិត្ត ការអភិវឌ្ឍន៍ នូវយុទ្ធសាស្រ្តល្អៗក្នុងការធ្វើអាជីវកម្មប្រកបដោយ ប្រសិទ្ធភាព និរន្តរភាព និងការទទួលខុសត្រូវ ក្នុងវិស័យហិរញ្ញវត្ថុប្រកបដោយបរិយាប័ន្ន ដើម្បីធានានូវអត្ថប្រយោជន៍ជូនប្រជាពលរដ្ឋដៃគូសហប្រតិបត្តិការគណៈគ្រប់គ្រង និងបុគ្គលិកទាំងអស់។

ជាទីបញ្ចប់ ខ្ញុំសូមថ្លែងអំណរគុណយ៉ាងជ្រាលជ្រៅចំពោះភាគីពាក់ព័ន្ធ ក្រុមប្រឹក្សាភិបាល ក្រុមប្រឹក្សាភិបាលឯករាជ្យ ម្ចាស់ភាគហ៊ុន និយ័តករដែលបានចូលរួមចំណែក និងសហការជាមួយយើងខ្ញុំ។ យើងខ្ញុំសង្ឃឹមយ៉ាងមុតមាំថា អ្នកទាំងអស់គ្នានៅតែបន្តការចូលរួមជួយជ្រោមជ្រែង អាយឃែរ លីស៊ីង ដើម្បីឱ្យមាននិរន្តរភាពបន្តទៅទៀត។

ឆ្នាំ២០២៥ គ្រឹះស្ថានភតិសន្យាហិរញ្ញវត្ថុ អាយឃែរ លីស៊ីង នៅតែបន្តផ្តល់សេវាភតិសន្យាហិរញ្ញវត្ថុដែលមានគុណភាព ស្ថិរភាព និរន្តរភាព និងការយកចិត្តទុកដាក់ខ្ពស់ទៅលើភតិកៈរបស់ខ្លួនបើទោះជាប្រទេសកម្ពុជាកំពុងមានជម្លោះ និងភាពតានតឹងនៅតាមព្រំដែនជាមួយប្រទេសថៃស្ថានភាពសេដ្ឋកិច្ចនយោបាយមានការប្រែប្រួល និងធ្វើឱ្យប៉ះពាល់យ៉ាងណាក៏ដោយក៏ខណៈពេលនេះប្រទេសកម្ពុជានៅតែបន្តរក្សាបាននូវនិរន្តរភាពលើវិស័យទេសចរណ៍ និងកសិកម្មជាដើម។ ទន្ទឹមនេះ អាយឃែរ លីស៊ីង បានបង្កើនក្នុងការពង្រឹងយកចិត្តទុកដាក់បន្ថែមទៀតជាមួយផលិតផលនិងសេវាកម្មថ្មីៗ ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ និងភតិកៈគោលដៅដែលមានកម្រិតជីវភាពទាប និងមធ្យមក្នុងការប្រើប្រាស់ផលិតផល និងសេវាកម្ម ដែលមានតម្លៃសមរម្យសមស្របទៅតាមកម្រិតជីវភាពរបស់គាត់។ ក្នុងបរិបទនេះ អាយឃែរ លីស៊ីង ក៏មានផែនការយុទ្ធសាស្រ្តបន្ថែមទៀតដាក់ចេញ និងជួយជំរុញកំណើនសេដ្ឋកិច្ចគ្រួសាររបស់ប្រជាពលរដ្ឋដែលទទួលរងផលប៉ះពាល់នៅតាមបណ្តោយព្រំដែនកម្ពុជា-ថៃ ដោយសម្រួលការបង់សងរបស់ភតិកៈជាជនភៀសសឹក ជាយោធិន ដែលធ្វើប្រតិបត្តិការដោយផ្ទាល់ក្នុងសមរភូមិប្រយុទ្ធយោធិនការពារនៅសមរភូមិយោធិនពលី និងពលករត្រទ្បប់មកពីប្រទេសថៃ។ ជាមួយគ្នានេះដែរ អាយឃែរ លីស៊ីង ក៏ជួយផ្តល់ភតិសន្យាហិរញ្ញវត្ថុបន្ថែមទៀតដើម្បីជួយសម្រួលទុក្ខលំបាក ពង្រីក និង ទ្រទ្រង់អាជីវកម្ម និងការអនុគ្រោះជាច្រើនទៀតស្របតាមការណែនាំរបស់ធនាគារជាតិនៃកម្ពុជា និងរាជរដ្ឋាភិបាលកម្ពុជា។

ភាពជោគជ័យ និងភាពរីកចម្រើនរបស់ អាយឃែរ កើតមានទ្បើងបានអាស្រ័យលើទស្សនវិស័យ បេសកកម្ម ឆន្ទៈរឹងមាំរបស់បុគ្គលិកគ្រប់លំដាប់ថ្នាក់ទាំងអស់ និងភាពប៉ិនប្រសព្វរបស់ថ្នាក់ដឹកនាំ ដើម្បីធ្វើឱ្យមានការកែប្រែ និងប្រកួតប្រជែងលើទីផ្សារហិរញ្ញវត្ថុ។ បន្ថែមពីលើនេះ អាយឃែរ លីស៊ីង តែងតែយកចិត្តទុកដាក់ថែរក្សាការពារភតិកៈជាកក្តាសំខាន់ និងបានចូលរួមអនុវត្តតាមគោលការណ៍ការពារភតិកៈ។

សមិទ្ធផល និងភាពរីកចម្រើនដែលទទួលបានក្នុងឆ្នាំ២០២៥នេះ គឺជាយុទ្ធសាស្រ្ត យន្តការ និងជាចលករក៏មានសារសំខាន់បំផុតក្នុងការចូលរួមចំណែកបន្ថែមទៀតសម្រាប់ឆ្នាំ២០២៦ ដើម្បីឱ្យ អាយឃែរ លីស៊ីង នៅតែមានឆន្ទៈ និងការប្តេជ្ញាចិត្តខ្ពស់ក្នុងការផ្តល់ភតិសន្យាហិរញ្ញវត្ថុជូនភតិកៈប្រកបដោយភាពច្នៃប្រឌិត ការទទួលខុសត្រូវខ្ពស់ និងជួយលើកស្ទួយកម្រិតជីវភាពរស់នៅរបស់ភតិកៈប្រកបដោយភាពល្អប្រសើរ និងទទួលបានជោគជ័យ។

ដើម្បីចែករំលែកអនាគតដ៏ត្រចះត្រចង់ដែលបង្កើតទ្បើងដោយ អាយឃែរ លីស៊ីង យើងប្តេជ្ញាអភិវឌ្ឍ យុទ្ធសាស្រ្តអាជីវកម្ម ប្រកបដោយនិរន្តរភាពក្នុងវិស័យផ្សេងៗបន្ថែមទៀតទាំងក្នុង និងក្រៅប្រទេសដើម្បីធានាបាននូវអត្ថប្រយោជន៍ដ៏ល្អផូផង់សម្រាប់ភតិកៈដៃគូ និងបុគ្គលិករបស់យើងក្នុងការជួយគាំទ្រ យើងនឹងបន្តការរីកចម្រើន និងសម្រេចឱ្យបាននូវលទ្ធផលកាន់តែប្រសើរទ្បើងបន្ថែមទៀត។

ខ្ញុំសូមថ្លែងអំណរគុណ និងសូមកោតសរសើរដល់ថ្នាក់គ្រប់គ្រងនិងបុគ្គលិកទាំងអស់ ដែលបានចូលរួមលះបង់កម្លាំងចិត្តកម្លាំងកាយ និងប្តេជ្ញាចិត្តយ៉ាងមោះមុត និងដល់គ្រប់ភាគីពាក់ព័ន្ធទាំងអស់សម្រាប់ការលះបង់គាំទ្រយ៉ាងសកម្មនាពេលកន្លងមកដោយជួយឱ្យ អាយឃែរ លីស៊ីង រីកចម្រើនរហូតមកដល់ពេលបច្ចុប្បន្ននេះ។

ខ្ញុំជឿជាក់យ៉ាងមុតមាំថា ទស្សនវិស័យ បេសកកម្ម និងឆន្ទៈដ៏មោះមុតរបស់គណៈគ្រប់គ្រង និងបុគ្គលិកគ្រប់លំដាប់ថ្នាក់ទាំងអស់ គឺជាកំលាំងចលករក៏មានសារសំខាន់ក្នុងការជួយជ្រោមជ្រែងឱ្យ អាយឃែរ លីស៊ីង នៅតែបន្តមាននិរន្តរភាព ចីរភាព ភាពរីកចម្រើន និងមានស្ថិរភាពទៅមុខបន្តទៀត។